Skildring av teneste

IKTNH skal bidra til at kommunane sine innkjøp av ikt-ressursar vert så gunstige som mogleg, ved å

• sjå til at nytt utstyr eller ny programvare som vert kjøpt inn, så langt mogleg er kompatibelt med eksisterande utstyr og programvare,
• sjå til at eventuelle stordriftsfordelar vert utnytta når avtalar vert inngått eller fornya,
• bidra til at anbodsinnbydingar er utforma slik at både omsyn til bruken i kommunane og tekniske omsyn kan vurderast i anbodsprosessen,
• sjå til at alle anbodsprosessar og innkjøp vert gjennomførte i tråd med gjeldande lover og forskrifter for offentlege innkjøp.

IKTNH er eineansvarleg for anbod som gjeld innkjøp eller leige av ressursar knytt til infrastrukturen i nettverk og servarpark. Dette omfattar

• pc-ar og periferutstyr til desse (inkludert skrivarar),
• operativsystem og anna standard programvare til desse,
• nettverksutstyr og utstyr til servarpark,
• operativsystem og annan programvare til nettverk og servarpark,
• telefoniutstyr og programvare knytt til dette,
• av-utstyr.

I samband med innkjøp av fagsystem som vert initiert av kommunane skal IKTNH vere ein aktiv og ansvarleg deltakar i prosessen.

Skildring av gjeldande kvalitetskrav – tenestespesifikasjonar

• Det ligg føre eit gjeldande avtalegrunnlag for alle ikt-relaterte investeringar.
• Alle avtalar er inngått i tråd med gjeldande lover og forskrifter for offentlege innkjøp.
• IKTNH har sett til at naudsynte tekniske og datafaglege omsyn er tekne når avtalar vert inngått eller fornya.

På neste side kan ein lese meir detaljert om denne tenesta.