Innleiing :

IKTNH har fleire roller knytt til handsaming av personinformasjon :

• IKTNH er ansvarleg datahandsamar og forvaltar personleg informasjon på vegner av dei samarbeidande kommunane. I det ligg at IKTNH mottek, lagrar, prosesserer og legg til rette for vidareformidling av kommunane sine data. Dette skjer i tråd med instruks frå eller avtalar med den einskilde kommunen.
• IKTNH nyttar også data frå kommunane som grunnlag for å sikre korrekt tilgjenge til kommunane sine ulike ressursar.
• IKTNH er sjølvstendig innsamlar av personinformasjon som ein del av tenesteytinga til kommunane. Denne vert forvalta i tråd med retningslinene for handsaming av dei data som kjem frå kommunane.
• IKTNH er ei avdeling i Osterøy kommune, og brukar personinformasjon som ein del av personalforvaltninga i avdelinga. Av di personalet er tilsett i Osterøy kommune, er det Osterøy kommune si personvernerklæring som gjeld for denne forvaltninga av personinformasjon.

IKTNH si personvernerklæring er delt i to :

• Del 1 – Om data som kjem frå kommunane gjeld IKTNH si handsaming av data som kjem frå kommunane, og som vert transportert via SING-nettverket og lagra i IKTNH sin servarpark på vegne av kommunane.
• Del 2 – Om IKTNH sin bruk av personinformasjon som grunnlag for tenesteyting  gjeld IKTNH si handsaming av personinformasjon frå kommunane om kommunalt tilsette som IKTNH må ha for å kunne foreta korrekt tildeling av dataressursar til den einskilde tilsette, samt personinformasjon som IKTNH samlar inn sjølv.